بيه النار وماعون الصبر فاح وتبده
وشسولفلك بعد من هاي الايام مصايب هلوكت حيلك تهده
خوه هالوكت صارت بالفلوس كله على الطمع تركض مجهده
عندك مال تصبح عندك اخوان جثيرة كبال عينك مستعده
غالي الزمان وصارت تحكم بي الفلوس وصار الوكت لاولاد المسعده
ولو حالك ضعيف تردن ونام وسولف ضيم كلبك على المخدة
ولو عندك دراهم والوضع زين كله تكوم الك دوم تفده
وتجيك الناس كله اشكال والالوان واحد بالعشه وذاك يتغده
واذا مفلس تظل محد يمر بيك حتى أعضاك من عندك مبعده
بعد ماتت الغيرة وصارت الناس الغني بوجه الفقير الباب سده
ومن يذبح ونذر مايعزم ضعاف يعزم وين ماواحد بكده
تدري شكم يتيم بليلة العيد ينوح ودمعه تلولي على خده
مدري الناس صارت هيج مدري الوكت صاير هيج تاليته
اشو صار الفخر بالمال والماعنده مال مهلسه لحيته
وذاك العنده جم قران بين الناس عالي ومرتفع صيته
وأذا رن الموبايل ينتفض مترني ويعدل تواليته
كبل جانت الناس تنام فد فراش ربك جان يرزق كلمن ونيته
نشدت اني من ابوي وكال جنه صغار من شعير محد يحصل بيته
بس جانت عجيبه الناس اخوك يكوم يضحك لو تعنيته
يابا الفخر مو للغني من يكرم الخطار الفخر بس للفقير الفرش للخطار مزويته
**************************************