بعدني اشتاكلك واتذكرك دوم
وملامح صورتك تشغل خيالي
وأذوب واشتهي تعودلي انوب
واشمنك هوى ويرتاح بالي
احبك مو مثل باقي اليحبون
لحد ما اشتهي تصير زادي
مكان لغيرك ما باقي بالروح
ولااظن يرهم لغيرك ودادي
جنت وياك اضوكن فرحة العيد
ومن دونك يمر العيد عادي
بكلب ابيض عشتها وياك الايام
وغبت عني وغطس كلبي بسوادي
حدادي عليك صدك تارس الروح
وبعدك لاتظن افك حزني وحدادي
اكبالي تصير كلما يكبل الليل
وحنيني لشوفتك يكبر كبالي
وتهل دموع عيني تسولف وياك
واكلك شوفني شصاير بحالي