الكراسي في بلادي .. قصيدة

الكراسي في بلادي بقلمي وتمنى تعجبكم


في بلادي ..

كلشي جائز .. كلشي ممكن 00موعجيب

صاحبك يصبح عدوك 00والعدو يصبح حبيب

في بلادي

تنجرح من اغله ناسك 00وراسك ايثور اعله راسك

وتلكه لجروحك طبيب

في بلادي

بس جرح واحد جبير00ولا00

ابد لا00 ما يطيب

من تحس نفسك عراقي 00

وعايش بهذا .. الوطن مثل الغريب ..!!!

في بلادي 00

اطيح يوميه حكومه

وينزع يوميه تاج 00وتنبني من الدم حكومة

والحكومة ابدم شعبنه 00تصنع الكراسي

الرئاسي

ونته شايل سيف بيدك

اتريدني احترم الحكومة ..!

تنهب اول حضاره 00وتنضرب اشرف مناره

والشعب تكثر اهمومه 00ولازم احترم الحكومة

ينذبح جمله شعبنه .. وبرض شرم الشيخ

تتسلب اهدومه .. ولازم احترم الحكومة

(( حمورابي )) مدري وينه 00وعدنه حراس

الوطن .. ليهسه نومه

ولازم احترم الحكومة

و(( المسله )) بمتحف اللوفر تنوح

وتنغصب بحضان .. روما

اولازم احترم الحكومة

اوحته نحترم الحكومة .. لازم انظف الحكومة

في بلادي00

ينظلم يوميه ( موسى )بسجن هارون الرشيد

في بلادي

ما شفت أي شي تغير .. ما شفت أي شي جديد

والزمان ايعيد نفسه وما يمر بالشعب عيد

في بلادي

دولة كل حسهه اصطناعي

امبرمجه اتعذب شعبنه وللغرب صارت بريد

في بلادي

مثلوا فلم العداله وصارت ادوارالبطولة

الحكم دوره الممجد .. والعدل .. دوره الشهيد

في بلادي ..

اتموت بس ما تدري يمته

وتنذبح ما تدري ليش 00وتنطعن ونته

بسكونك .. وتلتف ماتكله ايد

في بلادي ...

صبغو .. التاريخ دم .. وردو الطف من جديد

حسين بعده 0000حسين وحده

وزينب00الهسه بعدهه واكفه بحضرة يزيد

في بلادي ..

اين حقي ..اين حقي .. لازم يكون النشيد

في بلادي ...

الشعب عايش عالماسي

الخوف ياكل بالشوارع .. وبرفض ذمة شعبنه

يحتفل سيف السياسة ..

ويعقد اويه الموت اماسي

في بلادي ...

الصوت سكته .. الجوع خوف .. الصدك ذله

والزلم مثل السنابل ..

اطيح جمله لجل عباد الكراسي

وتنشتل بينه الاماني .. والصبر دم ونزيزه

ايخضر .. امن ادموع ناسي

في بلادي 00

الموت وي كل ظلم رسم روحه سفينه

وبحر خالي من المراسي000والنتيجة كراسي

حلاق ابلادي

صاير الكرسي الرئاسي ..؟!

في بلادي

بكل شبرمصلوبه جثه 000ابكل كتر تلكه ضحيه

ينهش 00بدمهه سياسي 000

وعلى الشاشة000تطلع ازلام الحكومة

تحجي000وتكول الشعب

تاج اعله راسي

واااااااااخ راسي